សេចក្តីសង្ខេបអំពីកម្មវិធី
កម្មវិធីបណ្ដុះបណ្ដាលសារព័ត៌មាន និងប្រព័ន្ធផ្សព្វផ្សាយរបស់ CCIM មានគោលបំណងបង្កើនសមត្ថភាព និងផ្តល់ការបណ្ដុះបណ្ដាលវិជ្ជាជីវៈសារព័ត៌មានដល់អ្នកសារព័ត៌មានកម្ពុជា ជាពិសេសអ្នកសារព័ត៌មានវ័យក្មេង និងស្ត្រី អ្នកចង់ក្លាយជាអ្នកសារព័ត៌មាន បុគ្គលិកព័ត៌មានរបស់អង្គការសង្គមស៊ីវិល និងអ្នកសារព័ត៌មានពលរដ្ឋ តាមរយៈវគ្គសិក្សាខ្លីផ្អែកលើប្រធានបទ និងវគ្គបណ្តុះបណ្តាលវិជ្ជាជីវៈ។ CCIM ក៏ផ្តល់សេវាបណ្ដុះបណ្ដាលតាមតម្រូវការដល់ស្ថាប័ននានាផងដែរ។
គម្រោងសំខាន់ៗ
អ្នកសារព័ត៌មានវ័យក្មេង
Press Start Cambodia
នេះជាកម្មវិធីបណ្តុះបណ្តាលខ្លីដែលមានរយៈពេល ៤ ខែ សម្រាប់អ្នកដែលមានបំណងប្រាថ្នាចង់ក្លាយជាអ្នកសារព័ត៌មាននៅកម្ពុជា។ កម្មវិធីនេះពីមុនមានឈ្មោះថា Newsroom Cambodia ហើយត្រូវបានដាក់ឱ្យដំណើរការក្នុងឆ្នាំ ២០១៩ ដើម្បីបណ្តុះបណ្តាលអ្នកសារព័ត៌មានជំនាន់ថ្មីនៅកម្ពុជា។
វគ្គបណ្ដុះបណ្ដាលអ្នកសារព័ត៌មាន
វគ្គបណ្ដុះបណ្ដាលអ្នកសារព័ត៌មានគឺ ដើម្បីលើកកម្ពស់គុណភាពសារព័ត៌មាននៅកម្ពុជា CCIM ក៏បានផ្ដល់ការពង្រឹងសមត្ថភាពដល់អ្នកសារព័ត៌មានអាជីពក្នុងវគ្គសិក្សាសារព័ត៌មានជាច្រើន។ យើងចង់ក្លាយជាមជ្ឈមណ្ឌលបណ្ដុះបណ្ដាលប្រព័ន្ធផ្សព្វផ្សាយ និងវិជ្ជាជីវៈសារព័ត៌មាននៅកម្ពុជា។
សារព័ត៌មានជនជាតិដើមភាគតិច
វគ្គបណ្តុះបណ្តាលនេះគឺដើម្បីពង្រឹងសមត្ថភាពយុវជនជនជាតិដើមភាគតិច ដែលរស់នៅតំបន់ដាច់ស្រយាល ឱ្យក្លាយជាអ្នកសារព័ត៌មានសម្រាប់សហគមន៍របស់ពួកគេដែលកំពុងមានបញ្ហាប្រឈម និងបញ្ហាសិទ្ធិមនុស្សមិនត្រូវបានរាយការណ៍។ វគ្គបណ្តុះបណ្តាលរយៈពេលមួយខែពេញ ផ្តោតលើមូលដ្ឋានសារព័ត៌មាន ការសរសេរព័ត៌មាន 5W+H និងក្រមសីលធម៌សារព័ត៌មាន។